1. Կնոջ ձեռքը չսեղմելը

Վարվելակերպի 6 կանոն, որոնք հնացել են դեռ անցյալ դարում

Բոլորովին վերջերս բիզնեսի վարվելակերպի կանոնները արգելում էին տղամարդուն առաջինը ձեռքը մեկնել կնոջը ձեռքսեղմման համար: Այնուամենայնիվ, այսօրվա նորմերը նշում են, որ յուրաքանչյուր կողմ կարող է ձեռք մեկնել՝ անկախ սեռից: Ավելին, այսօր կինը պարտավոր է վեր կենալ, երբ նրան ինչ-որ մեկի հետ ծանոթացնում են, մինչդեռ ընդամենը մի քանի տարի առաջ նա կարող էր իրեն թույլ տալ բարևել նստած վիճակում:

2. Տղամարդը պետք է քայլի կնոջ ձախ կողմով



Սա թերեւս վարվելակերպի ամենահին նորմերից մեկն է, որը մեզ է հասել դեռևս ասպետների ժամանակներից: Փաստն այն է, որ միջնադարյան պարոնայք պարզապես ստիպված էին քայլել կանանց ձախ կողմով, որպեսզի չվնասեն նրանց թրով, որը կցված էր նրանց ձախ կողմում գտնվող զրահին: Ժամանակակից տղամարդիկ այդպիսի զենք չեն կրում, ուստի այդ կանոնի պահպանումն այլևս հարկավոր չէ:

3. Կինը չպետք է տղամարդու համար դուռը պահի



Բավականին երկար ժամանակ գործող օրենքն այն էր, որ եթե մի կին և տղամարդ միաժամանակ մոտենում են դռանը, ապա տղամարդը պարտավոր է բացել այն և թույլ տալ, որ տիկինը անցնի: Այսօր դուռը պետք է առաջինը բացի և անցնի նա, ով առաջինն է մոտենում դռանը, անկախ սեռից: Բացի այդ, ենթադրվում է, որ ոչ միայն տղամարդիկ, այլեւ կանայք են դուռը պահում հաջորդ անցնող մարդու համար:

4. Հանել արմունկները սեղանից



Բայց այստեղ ամեն չէ, որ պարզ է: Քչերը գիտեն, որ արմունկները սեղանին չպահելու կանոնը, որին մեզանից յուրաքանչյուրը ծանոթ է մանկուց, վերաբերում է միայն այն մարդկանց, ովքեր ուտում են: Այսինքն, եթե դուք արդեն կերել, վերջացրել եք և պարզապես նստել ու զրուցում եք, իրավունք ունեք արմունկները սեղանին դնել: Սակայն մի ՛՛Ոչ՛՛ գոյություն ունի. Դուք պետք է համոզվեք, որ ոչ ոքի չեք խանգարի և ակամայից ուրիշի անձնական տարածք չեք ներխուժի:

5. Տղամարդը պետք է հանի իր գլխարկը շինության ներսում



Եթե ավելի վաղ կանոնը շատ խիստ էր, և տղամարդիկ ամեն դեպքում ստիպված էին հանել գլխարկը, ապա այժմ այն մի փոքր մեղմացել է: Այսպիսով, դուք կարող եք մնալ գլխարկով, վերելակում, մարզական միջոցառման ժամանակ, հասարակական շինությունում (օրինակ, փոստային բաժանմունքում) և հասարակական տրանսպորտում: Ի դեպ, կան դեպքեր, երբ կանայք նույնպես պարտավոր են հանել գլխարկները, նույնիսկ ամենանորաձեւը, եթե դա խանգարում է ինչ-որ մեկին դիտել կինո կամ ներկայացում և, իհարկե, գրասենյակում աշխատանքի ընթացքում:

6. Խմել ալկոհոլ բաժակաճառից հետո



Դուք պարտավոր չեք խմել ալկոհոլ, այն ժամանակ, երբ ինչ-որ մեկը բաժակաճառ է ասում: Բավական է վերցնել այն, ինչ արդեն ունեք բաժակի մեջ, լինի դա ջուր, թե հյութ: Ավելին, եթե ձեր ձեռքում ոչինչ չկա, կարող եք ժեստ անել, կարծես թե բաժակ եք բարձրացնում: Այս կանոնը գործում է նույնիսկ եթե կենացը ձեզ է նվիրված:

Իսկ ձեր կարծիքով վարվելակերպի ո՞ր կանոնները պետք է մնան անցյալում:
1 21:53 26-09-2020

Ռեյտինգ: 8.5 (6 ձայն.)
Նորմեկնաբանություններ


Հարգելի այցելու, եթե ունեք ազատ րոպե, խնդրում ենք թողնել Ձեր մեկնաբանությունը.

avatar
  1. Ջուլյա 31 դեկտեմբեր 2021 09:13
    • 0
    уравнение любви հայերեն կհանեք այս դորաման?