1. Դուք պետք է հրաժարվեք ձեր բոլոր նախասիրություններից, բացառությամբ մեկի, մինչև կյանքի վերջը: Ո՞րը կթողնեք:

12 սադրիչ հարց, որոնք միշտ վախենում ենք ինքներս մեզ տալ

Ցել աշխատանքի հարցումՈչ բոլորի բախտն է ժպտԲոլորը չէ, և երբեմն ստիպված ենք լինում ամեն օր ինչ-որ ձանձրալի և ոչ այնքան հետաքրքիր բան անել, որպեսզի կարողանանք գումար վաստակել: Բայց մեր նախասիրություններն այլ հարց են: Դա հանգստություն է հոգու համար, իսկ երբեմն էլ` ինքնազարգացման հնարավորություն:
• Եթե ընդհանրապես նախասիրություններ չունեք, միգուցե ինչ-որ խելամիտ պատճառով զրկել եք ինքներտ ձեզ ձեր սիրելի զբաղմունքից: Բայց ապարդյուն. Հոբբին պաշտպանում է ձեզ աշխատավայրում և նույնիսկ կարգի է բերում առողջությունը:

2. Ի՞նչի անհետացումը ամբողջովին կփոխի ձեր կյանքը:



Հետաքրքիր է ինչ դուք ընտրեցիք Փոփոխություն դեպի լավը թե՞ վատը: Փորձեք նշել, արդյոք կյանքում կարդինալ փոփոխությունները կտխրեցնեն ձեզ, թե կուրախացնեն:
• Բոլորը ունեն իրեր, որոնք կարևոր դեր են խաղում իրենց կյանքում: Պետք է հասկանաք, թե ինչն է ձեզ համար:

3. Արդյո՞ք հասել եք այն ամենին, ինչի մասին երազել եք մանկության և երիտասարդության տարիներին:



Իհարկե, խոսքը մանկության զվարճալի երազանքների մասին չէ, ինչպիսիք են` «պաղպաղակ վաճառող դառնալը, որպեսզի ամբողջ օրը անվճար ուտեք այն» կամ «վերածվել հսկայական վիշապի»: Հիշեք, թե իրականում ինչի էիք ուզում հասնել, ստացվել է արդյոք դա, թե ընդմիշտ հրաժարվել եք այդ ցանկությունից:
• Պետք չէ թողնել ձեր երազանքները անորոշ «հետոյի», որը չունի կոնկրետ ամսաթիվ: Եվ իհարկե, մի դադարեք երազել, քանի որ դա լավ է ձեր ուղեղի համար:

4. Ի՞նչ վատ բանի մասին եք ամեն օր մտածում:



Մարդիկ հաճախ չեն էլ գիտակցում, թե որքան անհանգիստ և դժբախտ են դարձնում նրանց վատ մտքերը: Չէ որ շատ անհանգստություններ նույնիսկ չունեն տրամաբանական հիմնավորում: Հիշեք, թե ինչն է ձեր մտքին գալիս՝ այն օրից, որը ստիպել է ձեզ տխրել:
• Վատ մտքերի վրա կենտրոնանալը նշան է, այն բանի, որ դուք վախենում եք պատասխանատվությունից: Սա չի թողնում առաջ շարժվել:

5. Ի՞նչն է ձեզ առանձնահատուկ դարձնում:



Յուրաքանչյուր մարդ յուրահատուկ է, ամբողջ աշխարհում գոյություն չունի երկու միանման մարդ: Ասեք միայն մեկ տարբերակիչ հատկություն և մտածեք` արդյոք դա դրական է, թե՞ ոչ, և ինչու եք հենց դա ընտրել:
• Ժամանակակից հոգեբանները կարծում են, որ անձնական եզակիության գիտակցումը կարևոր քայլ է ինքներդ ձեզ հասկանալու, այնուհետև՝ երջանկության հասնելու համար:

6. Եթե ձեզ մնար ընդամենը մեկ օր ապրելու, ինչպե՞ս կանցկացնեիք այն:



Այս հարցը կօգնի ձեզ որոշել ձեր կյանքի առաջնահերթությունները: Եվ հիշեք, որ ձեր ընտրությունը պետք է լինի բացարձակապես անկեղծ, ոչ ոք իրավունք չունի ձեզ դատելու դրա համար: Հետևաբար, եթե առաջին բանը, որ գալիս է ձեր մտքին, «գնալ ռեստորան և ուտել բոլոր ամենաթանկ ուտեստները», պատասխանեք այդ կերպ, և ոչ թե ավելի «ճիշտ» բառերով, ինչպիսիք են ՝ «օրը կանցկացնեմ իմ ընտանիքի հետ»:
• Այս հարցի պատասխանը կօգնի հաղթահարել վախերը, սովորել, ավելի լավ դիմակայել խնդիրներին և ավելի հեշտ որոշումներ կայացնել:

7. Ի՞նչ եմ ես սովորել վերջին մեկ տարվա ընթացքում:



Եթե դադարեք նոր բաներ սովորել, կյանքը աստիճանաբար կվերածվի տաք ճահճի: Դրանում հեշտ է թաքնվել ոչ միայն խնդիրներից, այլև ուրախություններից: Այո, սովորելու համար պետք է ջանք թափել: Եվ դա է առաջընթացի միակ գրավականը:
• Զարգացման ձգտումը մարդու հիմնական կարիքներից մեկն է: Այնուամենայնիվ, փոփոխության հանդեպ վախը և բացասական դեպքերի առկայությունը չեն թողնում այն լիարժեք իրականացնել:

8. Իմ երեխան ուզում է կյանքում զբաղվել այն բանով, ինչով, որ ես: Ես կուրախանամ, թե՞ կփորձեմ նրան հակառակը համոզել:



Սեփական ուղու կրկնության հարցում երեխային աջակցումը, իրական գիտակցումն է այն բանի որ կրթություն ստանալու և աշխատանք գտնելու ձեր ընտրությունը ճիշտն էր: Եվ ընդհակառակը, ակտիվ դիմադրությունն առանց բառերի կհաստատի ակնհայտ փաստը, որ դուք ափսոսում եք անցկացրած ժամանակի համար և դեմ չեք ամեն ինչ փոխելուն:
• Դուք կկարողանաք հասկանալ, թե որքան ներդաշնակ եք զարգանում, որքան են ձեր կյանքում անձնականը և գործնականը կապված միմյանց:

9. Դուք կրկին 16 տարեկան եք: Առջևում ավարտական քննություններն են, համալսարանի ընտրությունը: Կընտրեի՞ք նույնը: Ի՞նչ կփոխեիք:



Այո, դուք արդեն փորձ ունեք և դուք ավելի հեշտ եք կողմնորոշվում աշխատանքի շուկայում և կյանքում: Բայց եթե ձեր ընտրությունը այժմ ձեզ չի գոհացնում, դուք պետք է հենց հիմա սկսեք փոխվել:
• Մարդկանց մեծամասնությունը կցանկանար ինչ-որ բան փոխել՝ կրթությունը, բանականության զարգացմանն ուղղված ներդրումը, առողջության մասին հոգալը: Պատասխանը ձեզ ցույց կտա, թե ինչ է պակասում ձեզ և ինչ կարող եք փոխել հենց հիմա, նույնիսկ առանց ժամանակի կախարդական մեքենայի:

10. Ի՞նչ եք դուք ամբողջ ուժով հետաձգում:



Տհաճ, բարդ, չսիրված գործերը նույնպես պետք է արվեն, բայց ինչպիսի դժկամությամբ: Հավանաբար բոլորի մոտ դրանք առկա են, սակայն եթե խոսքը գնում է աշխատանքային պարտականությունների, սեփական ընտանիքի հետ շփվելու մասին, ապա արժե մտածել:
• Մշտապես հետաձգումը սթրեսի և մշտական մեղքի զգացման աղբյուր է: Սա երջանիկ լինելու համար լավագույն համադրությունը չէ:

11. Ձեր նվաճումներից որո՞վ եք առավելապես հպարտանում:



Եղեք անկեղծ, թող դա լինի այն պատասխանը, որը գալիս է ձեր սրտից: Անհրաժեշտ չէ զգուշորեն հպարտության առիթ ընտրել, որպեսզի այն համապատասխանի «լավ մարդու» կերպարին: Պետք չէ հպարտանալ աշխատանքում եղած հաջողություններով կամ ձեր սեփական բնակարանով: Հնարավոր է, հպարտության պատճառը կլինի գեղեցիկ մատնահարդարում անելու ունակությունը կամ որևէ օտար և տարօրինակ լեզվով խոսել կարողանալը:
• Ձեռքբերումների համար հպարտանալը ամենակարևոր զգացմունքն է, որն օգնում է լինել համառ և աշխատասեր:

12. Ինչի՞ց եք ամենաշատը վախենում:



Վախը նորմալ զգացողություն է, եթե այն չի ենթարկում իրեն մեր ամբողջ կյանքը: Ձեր վախերը ճանաչելու ունակությունը կօգնի ձեզ ճանաչել ինքներդ ձեզ և միգուցե պատասխանել այն հարցին. «Ինչու՞ եմ ես դեռ դժբախտ»:
• Վախերը ճանաչելը և գիտակցելը դժվար, բայց շատ կարևոր փուլ է: Դա կօգնի չվախենալ որոշումներ կայացնելուց և կյանքի համար պատասխանատվություն ստանձնելուց:

Իսկ դուք ի՞նչ հարց եք տալիս ինքներդ ձեզ:
0 21:21 22-06-2020

Рейтинг: 7.3 (6 гол.)
НовыеКомментарии

Уважаемый посетитель, если у Вас есть свободная минута пожалуйста оставьте комментарий.

avatar