1. Նարնջագույն

Ինչպե՞ս է շրջապատի իրերի գույնը ազդում ձեր տրամադրության վրա

Նարնջագույնը մեզ տալիս է կենսունակություն և առաջ է մղում երբ խոսքը գնում է ֆիզիկական ակտիվության մասին: Այն ստեղծում է լավատեսական մթնոլորտ և բերում նվաճումների: Նարնջագույնը նաև ասոցացվում է ստեղծագործականության և զվարճանքի հետ: Այն անհրաժեշտ է. Ֆիզիկական վարժություններ կատարելու ժամանակ, ինչպես նաև ուշադրություն գրավելու կամ ուրիշներին ուրախ տրամադրություն փոխանցելու համար: Ընդհանրապես, նարնջագույնը լավ է մարզասրահների, երեկույթների և աշխատանքային հագուստի համար:

2. Կապույտ



Այն տալիս է հարմարավետության զգացողություն և հանգստության: Մենք հակված ենք կապույտը կապել ջրի և երկնքի գույնի հետ`այն բաների, որոնք մեզ համար մարմնավորում են ազատություն ու խաղաղություն: Կապույտը հիանալի է հանգստի համար, ուստի դա առաջնային գույներից մեկն է, որոնք օգտագործվում է տան ինտերիերում կամ այնտեղ, որտեղ խաղաղություն և հանգիստ է պահանջվում:

3. Կանաչ



Կանաչը կյանքի գույնն է, այդ պատճառով այն կապված է հուզական հավասարակշռության, անվտանգության և կայունության հետ: Կանաչը նաև ձգում է բարեկեցությունը և լիցքավորում է էներգիայով: Կանաչը հաճախ կապված է սննդի հետ, ուստի այն շատ տարածված է մթերային խանութների ձևավորման մեջ և այն կարող է օգտագործվել խոհանոցի ինտերիերում: Մի քանի կանաչ դետալներ (օրինակ, սենյակային բույսեր) կբերի պայծառություն ու կենսունակություն ձեր տան մթնոլորտին:

4. Սև



Սևը տալիս է անվտանգության և հուզական պաշտպանվածության զգացողություն: Մեր կարծիքով, սև գույնը նման է պատնեշի, որը կատարյալ է նրանց համար, ովքեր ցանկանում են թաքցնել իրենց զգացմունքները և պաշտպանել խոցելիությունը: Շատերի համար սևը սիրված գույն է, երբ խոսքը գնում է տեխնոլոգիաների մասին, քանի որ այն կրում է հուսալիության և անվտանգության զգացողություն:

5. Մանուշակագույն



Համարվում է, որ մանուշակագույնը ապահովում է մտքի հավասարակշռություն, կայունություն: Մանուշակագույնը միշտ էլ շատ սիրված է եղել թագավորական ընտանիքներում և սովորաբար ասոցացվում է շքեղության հետ: Երբ ցանկանում եք հարմարավետ հանգստանալ կամ ցույց տալ ձեր բարեկեցությունը, ապա ձեզ հարկավոր է մանուշակագույնը: Ընդհանուր առմամբ, այն հիանալի գույն է փափուկ կահույքի, վերմակների, անկողնային պարագաների և բարձերի համար:

6. Կարմիր



Կարմիրը ուժի, կրքի, էներգիայի գույնն է: Այն մոտիվացնում է և էներգիա է տալիս արագ և կտրուկ գործողությունների համար: Կարմիրը կարող է անհանգստության զգացողություն պատճառել այն իրավիճակների ժամանակ, երբ հարկավոր է լռություն և խաղաղություն: Եթե ձեզ անհրաժեշտ է շտապ կատարել ինչ-որ աշխատանք, կարմիրը կատարյալ է ակտիվությունը խթանելու համար: Ինչպես նաև այն կօգնի ուշադրություն գրավել և ավելի վստահ զգալ:

7. Դեղին



Դեղինը դրդում է հուզական վերելքի, դրական էմոցիաների և զվարճանքի: Այնուամենայնիվ, այն զգոնության գույն է, սակայն առանց անհանգստության կամ վախի զգացողության: Միգուցե նկատել եք, որ շատ ճանապարհային նշաններ և օդանավակայաններում բազմաթիվ նշաններ պարունակում են սև տեքստ՝ վառ դեղին ֆոնի վրա: Հարցն այն է, որ դեղինը միշտ ուշադրություն է գրավում և ստիպում է կենտրոնանալ կարևոր տեղեկատվության վրա: Այսպիսով, այն ճիշտ գույն է պրեզենտացիաների և հրատապ հաղորդագրությունների համար:

8. Սպիտակ



Սպիտակը մաքրության և անմեղության գույնն է: Այն իր մեջ կրում է անվտանգության, հույսի, նոր սկիզբերի զգացողություն, կարծես շրջում եք թերթ, որպեսզի ամեն ինչ նորից սկսեք: Մենք տագնապ ենք զգում, երբ սպիտակը օգտագործվում է համատեքստից դուրս: Այդ պատճառով կինոնկարի կաթ խմող չարագործներն այդքան ադեցիկ են ստացվում: Օգտագործեք սպիտակը, մաքրության և հարմարավետության մթնոլորտ փոխանցելու համար: Այս գույնը մենք հաճախ տեսնում ենք հյուրանոցներում և հիվանդանոցներում, քանի որ այն հիանալի կերպով արտացոլում է անվտանգություն և հյուրընկալություն:

9. Վարդագույն



Վարդագույնը խորհրդանշում է ռոմանտիկա, ջերմություն և կանացիություն: Մեր կարծիքով, վարդագույնը ուղղակիորեն կապված է երեխաների խնամքի և դաստիարակության հետ, ուստի այն հաճախ օգտագործվում է մանկական և կանացի ապրանքները զարդարելու համար: Վարդագույնը կարող է ավելացնել կանանց գրավչությունը տղամարդկանց աչքերում: Վարդագույն հագուստ, շրթներկ, մատնահարդարում - այս ամենը վերաբերում է ցանկացած աղջկա ռոմանտիկ կերպարին: Բացի այդ, վարդագույնը հաճախ օգտագործվում է թխվածքներ թխելիս, քանի որ մենք սովորաբար այն կապում ենք շատ քաղցր բանի հետ:

10. Շագանակագույն



Շագանակագույնը խոսում է բնականության, երկրայնության և հարմարավետության մասին: Այն տալիս է կայունության և պատասխանատվության զգացողություն, սա այն գույներից է, որը թույլ է տալիս մեզ զգալ տանը, որտեղ էլ որ լինենք: Եթե ցանկանում եք ձեր շրջապատում հյուրընկալ մթնոլորտ ստեղծել, շագանակագույնը հիանալի գլուխ կհանի: Այս առումով հատկապես արդյունավետ են կահույքը և բնական փայտից պատրաստված արտադրանքները, որոնք նույնպես ցույց են տալիս ուժ և հետևողականություն:

Ո՞րն է ձեր սիրելի գույնը: Ի՞նչ երանգներ եք նախընտրում հագուստի կամ ինտերիերի դիզայնի մեջ:
0 22:35 26-05-2020

Rating: 0 (0 voice.)
NewComments

Dear visitor, if you have a minute please leave your comment about the film or series. Thank you.

avatar